Ho ka etsahala hore ngwana wa hao o tshwaeditswe ke COVID-19 haeba a na le a mang a matshwao ana: ho kgohlela, mmetso o bohloko, ho kwaleha, ho lahlehelwa ke tatso kapa bokgoni ba ho fofonela ho tsamayang le feberu, ho fellwa ke matla, mesifa e bohloko kapa letshollo. Ho ka etsahala hore ngwana a be le COVID–19 empa a dula a phetse hantle mme a sa bontshe matshwao hohang.
Ho ka etsahala hore motho a be le tshwaetso ya COVID-19 esita le hoja a bonahala a ntse a phetse hantle.
Ke eng seo o ka se etsang?
- Jwalo ka mefuta e meng ya mokgohlane, ha ho na pheko e kgethehileng ya COVID-19
- Fana ka paracetamol bakeng sa feberu le mahlaba
- Ngwana wa hao le ditho tsohle tse ding tsa lelapa ba lokela ho dula hae le ho ikarola ka matsatsi a 14
- Ho bana ba bangata, diteko tsa COVID-19 di tla etswa feela haeba ho hlokahala hore ba ye sepetlele
- Phomola ka ho lekaneng mme o je dijo tse nang le phepo
Haeba o ngongorehile ka ngwana wa hao (a thatafallwa ke ho hema kapa a fokola):
- Letsetsa ambulense haeba o nahana hore o hloka thuso e potlakileng
- Letsetsa tleliniking kapa ngakeng bakeng sa ho fumana keletso