Bolella ngwana wa hao hore a etse dintho tse latelang ele ho itshireletsa
- Haeba ngwana a le dilemo di pedi kapa ho feta, o lokela ho kenya maske o kwahelang nko le molomo
- Ho se atamelane le ba bang–netefatsa hore o siya sebaka sa mithara ho isa ho tse pedi dipakeng tsa hao le motho e mong
- Le se ke la tshwarana! Tlohelang ho hakana le ho bapadisana ka matsoho
- Hlapa matsoho kapa o a tlotse ka sebolayadikokwanahloko kgafetsa, ha o fihla sekolong, ha o ja, ha o tswa ntlwaneng le haeba o ka wa tshwara motho e mong ka phoso. Qoba ho tshwara maske wa hao kgafetsa.
- O se ke wa kadimisana ka dikopi, dijana, disebediswa tsa sekolo kapa dibotlolo le ba bang.
- Kgohlella le ho ithimolela setsweng kapa thishung mme ha o qeta o e lahlele moqomong.
- Mamela melao ya sekolo ya hore na o kene le ho tswa hokae.
- Haeba ngwana wa hao (kapa motho e mong lapeng), a sa ikutlwe hantle, ha a lokela ho ya sekolong.